DA, giaprobahan na ang guidelines alang sa importasyon sa mga isda ug marine products

Gitugotan sa pamunoan sa Department of Agriculture ang pag-import og 25,000 metric tons sa isda ug mga produkto sa dagat sa buwan sa Marso ning tuiga.

Kini human giaprobahan ni Agriculture Secretary Francisco Tiu Laurel Jr. ang mga guidelines alang sa pag-import niini.

Gitumong sa maong lakang sa ahensya ang pagsiguro sa igong suplay sa mga nasangpit nga produkto sa mga merkado.

Ubos sa giaprobahan nga mga guidelines, ang BFAR-accredited cold storage facilities gitugotan sa paghipos sa imported nga seafood.

Ang mga importer nga accredited sa ahensya sulod sa labing menos usa ka tuig mahimo usab nga moapil sa programa.

Apil na niini ang mga importer nga una nang nag-import sa mga nahisgutang produkto.