Gidawat ni Presidente Ferdinand Marcos Jr Kagahapong adlawa ang pag-resign ni Department of Information and Communications Technology (DICT) Secretary Ivan John Uy.
Matod sa Malacañang, ang PBBM motudlo una og Officer-in-Charge (OIC) nga mangulo sa maong departamento samtang mangita og bag-ong DICT secretary.
Gipaniguro ni Palace Press Officer ug Presidential Communications Office (PCO) Undersecretary Claire Castro nga dili mabalda ang mga serbisyo ug programa sa ahensya bisan pa man nga adunay kausaban sa liderato sa umaabot nga mga adlaw.
Ang DICT adunay mahinungdanong papel sa pagpadali sa internet connectivity, digital governance, ug cybersecurity sa nasud.
Samtang, gipaabot nga ipahibalo ni Presidente Marcos ang bag-ong kalihim nga mangulo sa nasangpit nga ahensya sa umaabot nga mga adlaw.
