LAPU-LAPU CITY- Gitaktak ni Lapu Lapu City Mayor Ahong Chan ang usa ka lalaki nga empleyado ug usa sa mga kawani sa kagamhanan sa dakbayan sa Lapu Lapu tungod sa iyang abusadong kinaiya human kini nakwaan og video ug nag-viral sa social media Marso 6, 2025.
Nakita sa video nga adunay argumento ang usa ka lalaki ug ang mga Kapulisan niini tungod kay gibadlong kini gumikan nga gikaingong nakainom.
Kini gumikan kay gusto sa maong lalaki nga ginganlan nga si ‘alyas Jok Jok’ nga mutapad sa lamisa sa usa ka babaye, apan gibalibaran kini ug iyang gikaingong gikumot ang nawong sa maong babaye.
Subay niini, nasagmuyo ang maong Mayor sa nakita nga video tungod sa maong gipagawas nga batasan sa maong empleyado ngadto sa sakop sa kapulisan ug sa babaye.
Hinundan, nga daling gipaimbestigahan ni Mayor Ahong Chan ang maong panghitabo og nakigalayon sa City administrator sa Kagamhanan sa Lapu Lapu.
Dinhi, nakahimo sila og desisyon nga taktakon ang maong empleyado.
“Di ko mo-tolerate og abusado nga empleyado. Mao nang sa dihang atong nakit-an ang video nga mikatap kagabie kabahin sa usa ka empleyado sa City Hall nga nakakita og gubot, ato gyud dayun gipa-imbestigar ug nasuta gyud nga aduna siyay kalapasan. Maong pinaagi sa atong City Administrator, ato gi-end ang iyang kontrata.” – Lapu Lapu City Mayor Ahong Chan sa iyang fb post.
Dugang usab sa Mayor. “Wala tay exempted ato nga balaud kay dala nato ang ngalan sa atong syudad. I hope mamahimo kini nga lesson sa tanang kawani sa gobyerno nga magtinarong ta, naa man ta sa office o wala.”(With reports of Bombo rocky Lavarez)
