Walay nalapas sa konstitusyon ang nahitabong pagdakop kang Kanhi Presidente Rodrigo Duterte.
Mao kini ang gipaambit ni Atty. Amando Virgil Ligutan, atol sa pakighinabi sa Bombo Radyo Cebu.
Diin matud niini nga tungod kay ang nasud lakip sa international legal team nga adunay obligasyon sa international community diin usa niini ang pag-dili sa pag-commit sa crime against humanity nga mao karon ang giatubang sa kanhi Presidente.
Hinungdan nga alang kaniya ug sa iyang tan-aw nga walay nalapas sa konstitusyon ang nahimong pagdakop gumikan bahin lang kini sa ‘trade-off’ nga gihimo sa nasud ngadto sa pag-apil isip miyembro sa international community.
Samtang, agi’g pagpadayag sa taga-Cebu nga mga supporters ni Kanhi Presidente Duterte kay nagpahigayon sila og candlelight ceremony ug vigil led kagabii sa Plaza Independencia.
Diin wala kapugngi sa mga supporters ang pagtulo sa ilang mga luha tungod sa gidangatan ni Duterte.
Atol sa pakighinabi sa Bombo Radyo Cebu kang Raymond Fuentenegra, usa sa mga mitambong sa prayer vigil diin matud niini nga ang iyang presensya sa maong panagtigom kay aron ipakita ang iyang suporta ngadto kang Duterte.
Dugang pa nga ang iyang paghigugma ug pagsalig sa kanhi kay dili mabayran ug walay makatumong tungod kay matud pa niya nga ang gihatag ug gisabwag nga paghigugma usab sa kanhi sa nasud kay walay sama ug dili matumngan.
Ingon man nga hilabihan kini nga nasubo sa nahitabo apan sa gipasalig sa ilang mga kaubanan nga wala pa mahuman ang pakigbisog ug gani padayon gihapon ang ‘laban’ ug dili kini ang panahon sa paghilak-hilak.
