Dili manghilabot ang gobyerno sa Pilipinas sa himoong pagpangandam sa kampo ni kanhi presidente Rodrigo Duterte nalang sa iyang pag-depensa batok sa mga kasong giatubang niini nga crimes against humanity sa International Criminal Court (ICC).
Mao kini ang gitaho sa Malacañang diin gitakda sa ICC ang kumpirmasyon sa pagdungog sa mga kaso karong Setyembre 23 aron tugotan si Duterte ug ang tanang nalambigit nga mga partido sa ‘igong pagpangandam’ alang sa pre-trial, ingon man sa pag-ila sa iyang “katungod nga husayon sulod sa makatarunganong panahon”.
Matud ni Palace Press Officer ug Presidential Communications Office Undersecretary Claire Castro nga mao na kini ang higayon nga mangandam na ang kanhi sa iyang depensa.
Dugang niini nga kung gani adunay mga witness ang kanhi mamahimo niya kini nga ipatawag ug pabuhatan og
statement o affidavit.
Iyang gisubli nga ang gobyerno sa Pilipinas mihatag kang Duterte sa gikinahanglang tabang, lakip na ang mga serbisyong medikal ug “care package,” gikan sa dihang gidakop kini sa Ninoy Aquino International Airport sa Pasay City niadtong Martes sa buntag hangtod nga siya gipadala sa The Hague, Netherlands.
Apan, dili na abagahon sa gobyerno ang gasto sa pagbiyahe sa mga testigo sa kampo ni Duterte.
Gitataw ni Castro nga ang kampo ni Duterte makahimo sa pagpadala sa ilang kaugalingong team sa The Hague, sanglit pipila sa iyang mga kaalyado, apil na sila si kanhi presidential spokesperson Harry Roque ug Senador Robin Padilla, miadto gamit ang ilang kaugalingong kuwarta.
Ug sa iyang tan-aw nga kaya na sa kampo ni Duterte nga sila-sila nalang.
Dili usab mandator nga motabang ang embahada sa Pilipinas sa Netherlands kang Duterte.
Ingon man nga iyang gipaslaig nga padayon ang pag-monitor sa gobyerno sa mga kalamboan aron mapadayon ang publiko nga updated.
Gitambagan ni Castro ang publiko nga dili motuo sa mga fake news nga nagpakatap og bakak nga impormasyon human masikop si Duterte.
