Gihimakak sa Korte Suprema nga nakadawat sila og petisyon nga naghangyo sa pagluwat ni Presidente Ferdinand Marcos Jr.
Unang mikatap ang impormasyon sa social media nga nag-ingon nga adunay gisang-at nga petisyon sa Korte Suprema nga adunay 16 milyones ka pirma ug ni-demand nga mo-resign ang presidente.
Matud sa SC nga ang hinimo-himo nga dokumento kay gipetsahan og Marso 16, 2025 ug giila sa Korte Suprema nga Spokesperson ang tinubdan niini.
Apan, giinsistir sa SC nga dili tinuod ang nasangpit nga dokumento ug ang tigpamaba niini wala maghatag og susamang pamahayag.
Nakabutang usab sa dokumento nga ang Korte Suprema En Banc kay magpahigayon og tigom gahapon, apan gisubi sa Korte nga walay session nga gitakda ang En Banc.
Hinungdan nga ang tanang bakak nga kasayuran kay ipaagi sa angay nga aksyon ug gipasalig sa korte nga kining tanan imbestigahan ug angayang himuan og lakang, apil na ang pagpahamtang og tukmang silot sa bisan kinsang responsable.
