Dili uyon si Presidente Marcos sa negatibo nga pagpangampanya, hilabi na nga aduna kini kalambigitan sa fake news.
Kini maoy pamahayag ni Palace Press Officer Usec. Claire Castro human sa campaign ad ni Senador Imee Marcos diin gi-endorso kini ni VP Sara duterte nga itom ang estado sa nasud ubos sa Marcos administrasyon.
Dugang pa niini nga mas maayo nga tubagon kini sa campaign manager sa duha ka opisyal gumikan sila ang angayan nga motuki niini.
Samtang, sa habig ni Senator Imee Marcos nunot sa iyang pagbuwag sa administrasyon sa iyang igsuon kini gumikan wala na makasabot sa mga gibuhat sa administrasyong marcos sanglit daw sa nataligam-an na ang nag unang problema sa nasud sama sa agricultura diin pili-on pa ang importasyon kaysa suportahan og klaro ang mga mag-uumang Pilipino.
Hinoon nagkanayon ang senadora nga wala man gayud silay personal nga away ni PBBM apan nibiya lang siya sa alyansa kay dili siya gusto og kagubot hinungdan nga mas gipili niyang mag-independente.
