Kapin sa 2 milyones ka sako sa bugas humay ang gibaligya sa mga mag-uuma sa unang quarter sa tuig – NFA

Gikompirmar sa National Food Authority (NFA) nga nakapalit sila og 2.2 milyones ka sako sa bugas humay sa mga mag-uuma sa unang quarter sa tuig, diin mokabat sa P2.6 bilyones nga kantidad.

Matod ni NFA administrator Larry Lacson, hangtod karon padayon silang namalit og bugas sa mga kooperatiba ug asosasyon sa mga mag-uuma.

Kalabot niini, matud niya nagpatuman sila og fast lane program alang sa mga gagmay nga mag-uuma.

Samtang mokabat sa 50 ka sako o ubos pa ang gipamalit kaniadto sa NFA gikan sa mga gagmayng mag-uuma, nisaka na kini ngadto sa 70 ka sako.

Dugang pa nga kini aron ma-accommodate ang ilang mas dako nga ani ug madasig ang mas daghang mag-uuma sa pagbaligya sa ilang mga produkto.