CEBU CITY- Nabalik na sa normal nga operasyon ang Cebu City Pier-1, sugod kagahapon, Abril 20, 2025, sa pakigsusi sa Bombo Cebu Newsteam sa sitwasyon sa nahisgutang lugar, karong adlawa, Abril 21, 2025.
Nunot sa pagdagsa sa mga namauli nga mga pasahero, nasayran nga kasagaran sa mga pasahero mga lokal nga trabahante, ug uban usab mga langyaw, kini subay sa “Long weekend” human sa Semana Santa.
Dugang pa, aduna nay 5 ka shipping lines nga mag-operate karong adlawa, Abril 21, 2025, nga mao ang Tagbilaran Bohol,
Getafe Bohol, Ormoc Leyte, Palompon Leyte ug Siquijor.
Sa laing bahin, sa pakighinabi kang Armand May Ponce, terminal operations officer sa Pier Uno, iyang gibutyag nga sugod niadtong Miyerkules, Abril 16, nagsugod na pagdagsa ang mga pasahero sa ilang tagsa-tagsa ka lugar.
Hinuon, nitataw usab siya nga mas daghan ang mga pasahero atol sa semana santa sa miaging tuig, itandi sa mga pasahero karong tuiga.
Dugang pa, nga naglaom usab sila nga mas mo daghan pa ang “arrival of passengers”, gumikan kay aduna nay trabaho ang pipila ka mga indibidwal.
Sa laing bahin, gikabutyag usab ni Ponce, nga malinawon ra ang maong pantalan ug wala ra silay natala nga mga insidente sama sa kawat ug uban pa.
Hugot ra usab ang seguridad sa maong pantalan, gumikan kay anaa ray mga sakop sa kapulisan aron usab masiguro nga luwas o walay peligro ang maong lugar.(BOMBO IRENE ARDIENTE)
