CEBU CITY- Atol sa na-andan nga pagpulong-pulong sa mga “Department Heads”, kagahapong adlawa, Abril 21, 2025, kauban ang pangu sa Dakbayan sa Sugbo. Diin, nahisgutan ang pagtukod og mga dugang nga mga school building, sugdan na sa Hunyo.
Sumala pa, pito ka upat-ka-andana nga mga yugto sa eskuylahan ang gikatakdang sugdan pagtukod Hunyo, 2025.
Subay kini sa taho ni Atty. Diego Dacua, labaw sa Local School Board (LSB), ang pito ka mga “school building” anha naka destino nga itukod sa San Jose Elementary School (ES), Cebu City National Science High School (NHS), Labangon Elementary School, San Nicolas Elementary School, Tisa II Elementary School, Hipodromo Elementary School, ug Pit-os Elementary School,.
Dugang pa, usa kini sa gitoohang solusyon ug tubag ang pagtukod sa maong mga “school building”, sa mga namatikdan nga adunay mga bata nga nagtungha sa silingang mga barangay tungod sa kakuwang sa lawak saringanan sa ila mismong barangay.
Tungod niini, gihingosgan karon sa kasamtangang administrasyon ang pagtukod sa maong mga “school building.”
Tumong usab kini buhan makadaginot sa gasto-an ang mga ginikanan ug alang usab sa kaluwasan sa mga bata, nga dili na sila molakaw og layo sa ilang pagtungha.
Sa susama nga panagtipon, nimando si Mayor Garcia kang Dacua nga kung mahimo, usbon ang “Terms Of Reference” sa pagtukod, buhan nga andam na ang kada “building” alang sa CCTV, Internet, ug solar panel.
Sigon pa, ang pito ka tukoron nga mga istruktura nagkantidad P50 milyones kada usa, nga naay kinatikbuk-ang kantidad nga P350 milyones. (BOMBO IRENE ARDIENTE)
