Mo-host ang Los Angeles, California sa pinaka-unang higayon nga ‘sperm race’ kon lumba sa tinuod nga mga sperms nga gitawag og ‘Sperm Racing’, kansa usa ka wild, history-making event isip usa ka paagi aron sa paghimo og reproductive health nga engaging ug measurable samtang giresolba ang nagka-ubos nga fertility rates.
Gi-organize kini sa startup Sperm Racing, kansa usa ka talagsaon nga kalihukan nga himuon sa Hollywood Palladium, nga mahitabo karong adlawa Abril 26 ug kini mutala og kasaysayan isip pinaka-unang competitive sperm motility showdown sa kalibutan.
Gilaumang kapin sa 1,000 ka mga tawo ang magtapok aron musaksi niini bisan pa man og dili makita sa yanong mata ang mga racers apan pasalig nga mabati sa tanan ang kulba-hinam.
Ang “Sperm Racing,” kay ideya sa grupo sa mga batan-ong milyonaryo gikan sa mga representante sa duha ka magkaribal nga University of Southern California ug University of California, Los Angeles nga mao’y mag-monitor sa mga microscopic swimmers gamit ang microscopic camera nga motutok sa matag-sperm hangtod kini makalabang sa finish line.
Tulo ka hugna ang buhaton nga kompetisyon aron masuta kung kinsa ang overall champion, uban sa play-by-play nga komentaryo, instant replays, leaderboards, ug pagpusta pinaagi sa mga approved partners.
