Nalipay ang Department of Tourism (DOT) human gitaho sa Philippine Statistics Authority (PSA) nga moabot sa 16.4 milyones ka mga Filipino ang nanarbaho sa mga sektor nga may kalabotan sa turismo.
Matod ni DOT Secretary Christina Garcia-Frasco, kini maoy pruweba sa kalampusan sa patas nga kalamboan sa turismo sa nasod ubos sa National Tourism Development Plan (NTDP) 2023-2028.
Diin ang Central Visayas maoy nanguna sa pagtubo nga adunay 7.3%, gisundan sa Caraga (6.9%), Central Luzon (6.5%), Davao Region (6.3%), Eastern Visayas (6.2%), Northern Mindanao (6.0%), ug Negros Island Region (5.9%)
Sukad nga gibuksan pag-usab ang nasud sa mga internasyonal nga turista kaniadtong 2022, nitaas ang ihap sa mga bisita, diin ang Central Visayas niabot sa 7.5 milyon nga mga bisita samtang 4.1 milyon nga mga tawo ang mibisita sa Rehiyon sa Davao, ug 1.7 milyon sa Caraga.
Sa kinatibuk-an, niabot og P760 bilyones ang kita sa turismo sa unang bahin sa 2024.
