Gikumpirmar sa mga Russian authorities nga namatay ang usa ka senior Russian general sa nahitabong car bombing sa Moscow.
Kini mao si General Yaroslav Moskalik, ang pinakaulahing Russian military commander o pro-Kremlin figure nga gituohang target sa mga Ukrainians sulod sa Russia.
Matod sa tigpamaba sa Russian Investigations Committee nga si Svetlana Petrenko, usa ka Volkswagen Golf ang nibuto human naigo sa usa ka improvised explosive device nga napuno sa mga pellets.
Nahitabo ang pag-atake samtang ang special envoy ni US President Donald Trump, nga si Steve Witkoff, paingon sa sentro sa Moscow aron makigkita sa Presidente sa Russia nga si Vladimir Putin alang sa panaghisgot sa kalinaw sa Ukraine.
Una ng niingon si Russian Foreign Minister nga si Sergey Lavrov sa pagkab-ot sa usa ka kasabutan uban sa US aron tapuson ang gubat sa Ukraine, bisan tuod siya miingon nga adunay pipila ka mga elemento nga kinahanglan nga plantsahon.
Sa bahin sa Ukrainian, ang mayor sa Kyiv nga si Vitali Klitschko nagpaila nga ang iyang nasud mahimo g kinahanglan nga itugyan ang pipila ka teritoryo isip bahin sa usa ka kasabutan sa kalinaw.
