Misaka na sa labing menos 11 ka mga tawo na ang namatay ug daghang naangol sa Lapu Lapu Festival sa Vancouver, Canada human gidaro og usa ka sakyanan.
Sumala sa Vancouver police, ang driver sa sakyanan anaa na sa kustodiya, apan ang iyang pagkatawo wala pa gipagawas.
Gipasalig ni Vancouver Mayor Ken Sim nga buhaton nila ang tanan aron mahatagan og dugang kasayuran kalabot sa panghitabo.
Subay niini kay nagpahayag usab kini og simpatiya sa mga namatyan nga pamilya.
Gihulagway usab sa leader sa NDP nga si Jagmeet Singh, kinsa anaa sa fiesta sa wala pa ang insidente nga usa ka ‘makalilisang’.
Nagpasalamat usab siya sa mga niresponde nga miresponde dayon sa hitabo.
Sa pagkakaron, padayon ang mga otoridad sa ilang imbestigasyon.
Samtang, nagpahayag ang gobyerno sa Pilipinas og “lawom nga kabalaka” sa insidente nga nahitabo sa Vancouver, Canada.
Sa giluwatang pamahayag sa Philippine Consulate General sa Vancouver niadtong Abril 26, gipaabot niini ang ilang pahasubo sa mga biktima sa trahedya sa Lapu Lapu Day Block Party.
