-- ADVERTISEMENT --
Napakyas ang Filipina tennis star ug World No. 19 nga si Alex Eala sa pag-abante sa sunod nga hugna sa Wuhan Open human siya napildi batok kang Shi-Han sa China, kinsa kasamtangang anaa sa ika-217 nga pwesto sa kalibutan.
Nakuha ni Eala ang unang set, sa iskor nga 6-4, apan nakabawi si Shi-Han sa ikaduhang set, sa iskor nga 6-3, sa wala pa niya hingpit nga nasakmit ang kadaugan sa deciding set.
Tungod niini nga kadaugan, miabante si Shi-Han sa ikaduhang hugna, diin iyang ikasangka ang World No. 25 nga si Leylah Fernandez sa Canada.
Samtang, ibalhin ni Eala ang iyang atensyon sa doubles event, diin makig-uban siya sa Turkish player nga si Zeynep Sonmez aron atubangon ang Ukrainian duo nga sila si Anhelina Kalinina ug Dayana Yastremska.
