-- ADVERTISEMENT --
Nigahin ang Japan og P150 milyones aron pondohan ang Project for Human Resource Development Scholarship (JDS), nga nagsuporta sa advanced education.
Gipirmahan kini ni Japanese Ambassador ENDO Kazuya ug DFA Secretary Enrique Manalo niadtong Abril 25, 2025.
Ang pondo mosakop sa master’s degree sa 20 ka batan-ong mga kawani sa gobyerno sa Pilipinas sa mga inila nga unibersidad sa Japan sugod sa Academic Year 2026–2027.
Tumong usab sa programa nga mapalambo ang kahanas sa mga Pilipino isip kabahin sa suporta sa Japan alang sa pagpalambo sa human resource sa nasud.
Sukad nagsugod ang JDS niadtong 2002, niabot na sa 459 ang gidaghanon sa mga Pinoy nga nakabenepisyo niini.
-- ADVERTISEMENT --
