Ipahunong usa ni Cebu Provincial Gov. Gwendolyn Garcia, ang programa nga 20 pesos kada-kilo nga bugas sa Probinsya sa Sugbo.
Kini subay sa pagdili og pagpanghatag og bisan-unsang ayuda gawas lamang sa medikal ug burial assistance, gikan sa Mayo 2 hangtud sa Mayo 12, 2025, kini ubos sa Comelec Resolution 11060.
Gibutyag ni Cebu Gov. Gwen Garcia, nga ang programa nga 20 pesos kada-kilo nga bugas kay dili ayuda ug wala kini gipanghatag, sanglit gipalit kini sa mga katawhan.
Kahinumdoman, nga mibutyag usab si Comelec Chairman Atty. Goerge Erwin Garcia nga ang subsidiya nga ihatag sa lokal nga kagamhanan alang sa programa sa 20-pesos nga matag-kilo sa bugas gikonsiderar usab nga usa ka matang sa ayuda.
Samtang sa pikas bahin, gilauman usab ni Garcia nga makakuha ug klaro nga opinyon gikan sa Comelec maylabut sa programa nga 20-pesos matag-kilo nga bugas sa Sugbo.
