Mag atubang karon og Attempted robbery with intimidation ang sa usa ka lalaki sa Liloan Municipal Police Station, human nisaka sa laing panimalay, ug nanulis sa tag-iya niini, sa Purok Limogmog, Sitio Curva 2, Brgy San Vicente, Liloan, Cebu.
Busa, bun-og sa nawng ang nadangatan sa suspek human nisuway og pagpanulis nga nag inusara, nasakpan ug gikulata hinuon sa mga residente sa maong dapit.
Giila ang kawatan nga si Antonio Masayon Carballo, 28 anyos, lumulupyo sa Lanao Del Sur, usa ka construction worker.
Ang biktima ug tag iya sa panimalay nga si Raquel Rodriguez Janzon, 38, ug kanhi nag puyo sa Mati City Davao Oriental, nga kasamtangang nag puyo sa naasoy nga dapit.
Matud sa biktima, nikalit og sulod ang maong suspek sa iyahang balay samtang natulog siya sa kwarto og gani gi ti-onan siya og kutsilyo nga may gitas-on nga 13.5 pulgada.
Subay niana, dali siyang nakamatngon, ug isug nga nisukol sa suspek ug nailog ang kutsilyo samtang, daling nangayu og tabang sa kasilinganan.
Sa maong panghitabo, nisutoy og ikyas ang suspek apan nadakpan sa mga kasilinganan hinungdan nga gikulata ang maong suspek diin matud pa nag tama.
Daling naka responde usab ang nga katanuran sa Barangay nga sila si Richie Arcelo, Josephus Baguio, og Lea Lahoy dalib.
Kasamtangan karong nabalhog ang suspek sa prisohan sa Liloan Municipal Police Station nga mag atubang og patong patong nga kaso.
