CEBU CITY-Midagsa ang mga hangyo sa pag-paaspalto sa mga dalan sa pipila ka mga lugar sa dakbayan sa Sugbo, human sa adlaw sa piniliay niadtong Mayo 12, 2025.
Matud pa ni Konsehal Jerry Guardo, chairman of the committee on infrastructure, nga padayun gihapon nga gipundohan ang maong proyekto ubos sa P100 million allocated budget sa supplemental budget (SB) 1.
Una nang namahayag si Guardo nga ilang gitarget ang 90 porsiyento nga completion rate human sa piniliay.
Sa pagkakaron, ang umaabot nga mga proyekto gitakdang ipatuman sa mga barangay sa Apas, Lahug, ug Banilad, human usab makakuha og pagtugot gikan sa Probinsiya sa Sugbo.
Gisaad usab ni Guardo sa publko nga ang mga proyekto sa sphalting magpadayon,timaan nga ang departamento sa ehekutibo nag-andam na ug dugang nga budget sa ubos sa SB 2.
Gihisgutan usab niya nga daghang mga proyekto ang gilatid na apan naghulat pa sa bidding sa supplier.
Bisan paman sa mga kakulian gihimug-atan usab niini nga 80% sa proyekto dako na usab nga kalampusan. | Bombo Nathaniel Sandoval
