Nanawagan ang Department of Labor and Employment-7 (DOLE-7), sa mga empleyado nga nagpaluyo sa operatiba sa gitoohang scam hub nga anaa nahimutang sa Brgy. Kasambagan, ning Dakbayan sa Sugbo.
Sa pagkuha sa habig sa Bombo Radyo Cebu kang Roberto M. Cabardo, ang Information Officer-3 sa DOLE-7, iyahang gikabutayag nga wala nay na-abtan ang mga sakop sa kapulisan subay sa search operation sa maong dapit, diin, mao ang hinungdan nga nanawagan ang maong buhatan, nga magpatim-aw na ang mga empleyadong adunay koneksyon niini.
Sumala niya, missing pa tanan ang mga na spot-tan empleyado, diin sa bana-bana nila, mo abot kini sa 30 hangtud 50 ka mga indibidwal.
Dugang usab ni Cabardo, naglihok ug gamugna na sila og quick response team, aron mas mapadali ang pagpangita sa mga operatiba nga naglambigit sa gitoohang scam hub.
Subay niana, ang inisyal nga mga lakang nga ilahang pagahimuon, subay sa mando ug gitahas sa Regional Director sa DOLE-7, nga si Atty. Roy Buenafe, nga susihon pag-ayo ang maong dapit, ug ang mga profile sa mga empleyado niini, aron masuta ang mga dakong kinahangalanon nga hinabang niini.
Dugang niana, ang tumong sa pagmugna sa quick response team mao ang mas mapadali nga pagkahibalo og asa nahimutang karon ang mga empleyado, aron mahibaw-an ang sitwasyon niini ug ang kamatooran luyo sa mga taho sa kadaghanan, ug usab mapangitaan nila og mga hinabang nga nagsubay sa programa sa maong buhatan.
Dugang usab Cabardo, kini ang una nga higayong mohatag og hinabang ang buhatan sa usa ka gitoohang scam hub, apan subay niya, kahinomdoman sa panghitabo sa usa usab ka gitoohang POGO operation sa Lapu-Lapu City, Cebu, nakahatag ang DOLE-7 og hinabang sa mga nalambigit niato diin, ilang gitanyagan og “livelihood” sama sa sari-sari store ug bugasan.
Sa pagkakaron, ang inisya nga lakang sa DOLE hugot nga masugdan kung aduna nay masuta nga adunay koneksyon sa mga sitwasyon sa mga gipangita pa nga mga empleyado.(Bombo Irene Ardiente)
