Gitapos sa Meralco Bolts ang duha ka sagunson nga kapildihan pinaagi sa pagpildi sa Blackwater Bossing sa final score nga 103-85 sa nagpadayon nga PBA Philippine Cup.
Lima ka mga magduduwa ang miiskor og double digits nga gipangulohan ni Chris Newsome nga adunay 19 puntos, pito ka rebounds ug tulo ka steals sa duwa nga gipahigayon sa Ynares Center, Antipolo.
Ang rookie nga si CJ Cancino nidugang og 14 puntos aron palapdan ang ilang labaw samtang si Chris Banchero adunay 13 puntos, pito ka rebounds ug si Raymar Jose adunay 12 puntos, lima ka rebounds.
Ang Bolts adunay upat ka daog ug lima ka pildi samtang ang Blackwater adunay usa ka daog ug lima ka pilde.
Samtang sa laing duwa, gipalugway sa TNT Tropang 5G ang ilang sunodsunod nga kadaugan pinaagi sa pagpildi sa Rain or Shine Elasto Painters sa final score nga 111-103.
Miiskor si RR Pogoy og 35 puntos samtang si Calvin Oftana adunay 28 puntos sa maong duwa.
Sa first half, nahuptan sa Elasto Painters ang bintaha apan nakabawi ang TNT sa second half.
Parehong adunay upat ka daog ug tulo ka pilde ang TNT ug ang Rain or Shine.
