Misaad ang China nga mohimog lig-on nga aksyon human giakusahan ang Estados Unidos nga nakalapas sa kasabutan sa trade truce agreement.
Ang Ministry of Commerce sa China miingon nga gidaot sa US ang kasabutan nga nakab-ot sa Mayo sa Geneva, diin ang duha ka mga nasud nagpaubos sa mga taripa sa ilang mga imported nga produkto.
Gidugang sa China nga gilapas usab sa US ang mga kasabutan nga nakab-ot ni Presidente Xi Jinping sa China ug Presidente sa US nga si Donald Trump niadtong Enero 2025.
Kini nunot sa mga pamahayag ni Trump niadtong Biyernes mahitungod sa giingong paglapas sa China sa mga kasabotan, bisan og wala siya mohatag og mga detalye apan sumala ni US Trade Representative Hamieson Greer, ang China napakyas sa pagtangtang sa non-tariff barriers sumala sa gikasabutan.
Ubos sa deal sa Geneva, gipaubos sa US ang taripa niini gikan sa 145% ngadto sa 30%, samtang ang taripa sa China sa mga produkto sa US mius-os usab gikan sa 125% ngadto sa 10%.
Apan, giakusahan sa China ang US nga nakalapas sa kasabutan pinaagi sa pagpahunong sa pagbaligya sa software sa chip design sa mga Chinese company, kay nagpasidaan batok sa paggamit sa Huawei chips, ug pagkansela sa mga visa alang sa mga estudyanteng China.
Bisan kung ang kasabutan sa Geneva nakab-ot taliwala sa taas nga mga tensyon, ang mga tensyon tali sa duha nga mga nasud mibangon pag-usab, nga nagpasiugda sa pagkahuyang sa hunonganan.
Bisan pa, giingon sa mga opisyal sa White House nga posible pa nga magkita si Trump ug Xi sa umaabot nga mga adlaw.
Dugang ni Treasury Secretary Bessent nga ang mga detalye sa kasabutan gilauman nga mabuhat kung magkita pag-usab ang duha ka mga lider.
Samtang, gipahibalo ni Trump sa miaging semana nga doblehon niya ang mga taripa sa US sa puthaw ug aluminum gikan sa 25% hangtod 50%.
Matod niya makatabang kini sa domestic steel industry ug makunhuran ang pagsalig sa nasud sa China.
