CEBU CITY- Nipadayag sa iyahang pagkaalarma si Atty. Armando Virgil Ligutan, abogado sa ikatulong impeachment complaint, sa ideya nga ang Senado adunay katungod sa pagtangtang sa impeachment trial ni Bise Presidente Sara Duterte.
Sa pakighinabi sa Bombo Radyo Cebu kang Ligutan, gipasabot ni Ligutan nga ang Senado gimandoan sa Konstitusyon nga husayon ang mga impeachable nga opisyal.
Gidugang niini, nga na-alarma siya sa nahitabo karon, nga adunay usa ka Senado nga naghuna-huna sa makaduha nga ipadayon ang pagsulay sa gi-impeach nga opisyal.
Kana gumikan kay kung tan-awon ang Konstitusyon; kini klaro, ang pagsulay kinahanglan nga magpadayon dayon.
Gitataw usab ni Ligutan nga duha lang ang kapilian sa Senado: pagkonbikto o pag-absuwelto kang Duterte.
Gihatagan niini og gibug-aton nga kung dili ipadayon sa Senado ang impeachment trial, gibalibaran sa Senado ang mandato sa konstitusyon nga sulayan sa impeachment trial ang na-impeach nga opisyal sa persona ni Bise Presidente.
Butang nga alang kaniya, kini dili makalibog, inay makapaalarma.
Sa sayo pa, si Senate President Francis Escudero niingon nga ang plenaryo sa Senado sa kataposan ang magbuot kon ang impeachment mahimong molabang sa 20th Congress.
Kung kahinumduman, nga gi-impeach sa House of Representatives si Duterte niadtong Pebrero 5 ug gi-transmit ang Articles of Impeachment ngadto sa Senado sa samang adlaw.
Ang ika-19 nga Kongreso gikatakdang mo-adjourn sa Hunyo 11, ug ang termino sa katungdanan sa mga miyembro sa 20th Congress magsugod sa Hulyo 1, 2025.
