-- ADVERTISEMENT --
Nakasakmit sa iyang ikaupat nga sunodsunod nga gold medal ang Olympic gold medalist nga si Carlos Yulo sa floor exercise sa gipahigayon nga 2025 Artistic Gymnastics Asian Championships sa South Korea, gahapong adlawa, Sabado, Hunyo 7, 2025.
Nakuha ni Yulo ang top spot sa floor exercise nga adunay score nga 14.600 points, samtang nagsunod si Milad Karimi sa Kazakhstan nga adunay 14.400 puntos nga mao ang nakakuha sa silver medal, samtang si Moon Geonyoung sa South Korea, nga niangkon sa bronze medal ug naka-ani sa 14.033 nga score.
Bag-o lang arong semanaha, ang Filipino gymnast una nang nakakuha og bronze medal sa men’s all-around event. | via Bombo Irene Ardiente
