Mipadayag sa ilang kaandam ang kampo ni Cebu Provincial Governor-Elect Pamela “Pam Baricuatro batok sa gisang-at nga election protest sa habi ni Outgoing Cebu Provincial Governor Gwendolyn Garcia.
Kini ang gipamahayag sa kampo ni Baricuatro pinaagu sa pangulo sa transition team niini nga si Atty. Edmund Lao diin matod pa niadtong adlaw sa Martes Hunyo 10 nila nadawat ang summon sa Commission on Elections (Comelec) sa address sa pinuy-anan ni Incoming Governor sa Población, Pinamungahan, Cebu.
Dugang detalye niini nga gitagaan sila sa Comelec og lima (5) ka adlaw aron muduso og verified answer nga magsugod karong adlawa sa Miyerkules, Hunyo 11.
Ang deadline sa submission kay gikatakda sa Hunyo 16 diin gipasalig ni Atty. Lao ang ilang kaandam sa pagtubag sa maong electoral protest of dismissal nga matod pa walay gipanukaran nga basehan.
Gidugang niini nga si Baricuatro sab kay nagporma na sa iyang kaugalingong legal team nga nagtinguha sa pag-dismiss sa gihulagway niining “unwarranted ug unfounded nga kaso” nga maghatag sa transition team niini sa pag-focus sa preparaston sa umaabot administrasyon sa Kapitolyo sa Sugbo.
