Nagpadayon ang pagsaka sa gidaghanon sa mga Overseas Filipino Workers nga nipadayag sa ilang tinguha nga mapauli ug makabalik sa Pilipinas tungod sa nagpadayong panagbangi tali sa Israel ug Iran.
Matod ni Department of Migrant Workers Secretary Hans Leo Cacdac, niabot na sa 109 ka mga OFWs ang nipadayag sa ilang tinguha nga makabalik sa Pilipinas.
Ingon man nga nagkanayon ang gobyerno sa Pilipinas nga nagpadayon ang ilang paghatag og ground assistance sa mga apektadong Pilipino, lakip na ang paghatag og hinabang sa usa ka Pinay nga grabeng naangol ug karon nagpaalim sa usa ka tambalanan sa Israel.
Nihatag usab ang ahensya og tabang sa katorse ka mga Pilipino nga naapektuhan sa panagbangi samtang ang uban nagpabilin sa temporaryo nga kapuy-an nga gihatag sa ahensya.
Giangkon usab ni Cacdac nga komplikado ang pagpauli tungod sa sirado nga airspace ug mga pagdili sa airport tungod sa gubat tali sa duha ka nasud.
Apan, bisan paman kay malipayon nga gipahibalo sa kalihim nga walay bag-ong Filipino injuries nga natala bisan pa man sa right-wing attacks.
Ug walay pagkabalda sa koordinasyon sa tanang hingtungdan nga ahensya.
