Gihimakak ni kanhi presidential spokesperson Atty. Harry Roque ang kasamtangang impormasyon nga giingong gibasura sa Netherlands ang iyang asylum application.
Sa usa ka public statement, iyang gipasiugda nga dili tinuod ang pamahayag ni Department of Justice Secretary Jesus Crispin Remulla nga gituohan niini nga ‘denied’ ang iyang aplikasyon.
Matod niya kini na ang ikaduhang higayon nga gisulti sa maong kalihim sanglit aduna man siyay ‘multiple passports’.
Busa, iyang gikonsiderar nga usa lang ka matang sa ‘fake news’ o false news ang impormasyon nga ‘deny’ ang iyang aplikasyon.
Diin wala mo-insister ang maong abogado nga wala siya makurat niini ilabi na ubos sa kasamtangang administrasyon.
Dugang pa ni Roque nga miadto lang siya sa Germany alang sa usa ka aktibidad kauban ang pipila ka mga kababayang Pinoy.
Mibalik siya sa The Hague, Netherlands, diin siya nagpuyo samtang layo siya sa Pilipinas, pipila ka adlaw ang milabay.
Ingon man nga dili na kinahanglan pang pangitaon o ilhon ang iyang nahimutangan tungod kay iya na kining gibutyag ug gipahibalo sa publiko.
