Pulis sa Texas, USA nakadakop og baby alligator sa parkingan sa usa ka simbahan

Nakadakop og baby alligator ang pipila ka pulis sa Texas, USA sa parkingan sa mga sakyanan sa usa ka simbahan sa maong dapit.

Ang mga police officer sa Texarkana, Texas kay nakakita og usa ka baby alligator nga nagtago-tago ilawm sa mga sakyanan sa parkingan sa usa ka lote sa simbahan.

Human sa usa ka ginukdanay sa pagdakop niini kay nadakpan ra gayud ang maong baby alligator gikan sa iyang pagka-adventurous gawas sa natural habitat niini.

Ang maong reptile kay luwas rang na relocate sa Bringle Lake nga maoy pinakaduol nga natural habitat sa maong mananap.

Gipasidunggan sa ilang Police Department ang maong mga pulis nga ni-assiter sa pagbalhin sa baby alligator tungod sa ilang ‘professional handling’ sa sitwasyon.