Niabot na sa nasud ang 31 ka mga Overseas Filipino workers (OFWs) nga gipabakwit gikan sa Middle East.
Diin giabiabi sila sa mga sakop sa Overseas Workers Welfare Administration (OWWA) ug Department of Migrant Workers (DMW) sa ilang pag-abot sa Ninoy Aquino International Airport.
Ang 31 ka OFWs naglakip sa 26 ka mga Filipino gikan sa Israel, tulo gikan sa Jordan, usa gikan sa Palestine ug usa gikan sa Qatar.
Niabot sila sa NAIA sakay sa Qatar Airways Flight QR 934 mga alas 8 sa gabii.
Sila ang unang batch sa mga Pilipino nga gipabakwit gikan sa panagbangi tali sa Israel ug Iran.
Gikanayon usab ni DMW Secretary Hans Leo Cacdac nga medyo delayed ang flight tungod sa temporaryong pagsuspenso sa air traffic sa Qatar.
Subay niini, hatagan dayon og mga hinabang ang mga OFW.
