Gi-void sa Korte ang pagka-mayor ni Alice Guo sa Bamban, Tarlac human nipagawas og desisyon si Judge Liwliwa S. Hidalgo niadtong Hunyo 27.
Gitugotan sa Manila Regional Trial Court (RTC) Branch 34 ang quo warranto petition sa buhatan sa solicitor general batok kang Guo human kini napamatud-an nga usa ra ka tawo si Alice Guo ug ang Chinese citizen nga si Guo Hua Ping basi sa susamang fingerprints, ingon man nga ang iyang amahan ug inahan kay susamang insik.
Hinungdan nga ‘void’ o null ang pagkamayor niini gikan pa sa sinugdanan.
Apan, gipanghimakak sa legal team ni Guo ang imbestigasyon sa National Bureau of Investigation ug ang akusasyon nga si Guo natawo sa Chinese nga mga ginikanan.
Gihatagan usab og gibug-aton sa korte nga ang pasaporte ug birth certificate sa Pilipinas ni Guo dili igo nga ebidensya aron mapamatud-an ang iyang pagka-Filipino citizen.
Basi sa desisyon, dili ikalimod nga Chinese si Guo ug iyang mga ginikanan ug niabot sa Pilipinas gikan sa Fujian, China, niadtong Hulyo 12, 1999.
Ang desisyon sa korte mideklarar nga dili lang siya na-disqualify sa posisyon sa pagka mayor, apan dili usab siya makadagan niini.
