Nagpabiling 0.4% ang case fatality rate sa dengue sa Pilipinas, o katumbang sa 4 nga namatay matag 1,000 ka kaso, sumala sa Department of Health (DOH).
Matud pa ni DOH Spokesperson Albert Domingo, tumong usab sa ahensya nga hingpit nga mawagtang ang mga kaso sa nangamatay tungod sa dengue, nunot sa pagdaghan sa mga kaso sa niaging tuig.
Base sa ilahang datos, gikan sa buwan sa Enero hangtod Marso 2025, nakatala ang nasud og 62,313 ka kaso sa dengue, nga mas taas og 73% sa susamang panahon niadtong tuig 2024.
Ang pinakataas nga natala sa nahisgutang sakit mao ang rehiyon sa Calabarzon, NCR, ug Central Luzon.
Ang case fatality rate mikunhod ngadto sa 0.35% karong tuiga gikan sa 0.42% sa 2024.
Busa, ang DOH nipahimangno nga magpakonsulta dayon sa doktor kung makita na ang unang mga timailhan sa dengue, tungod kay kadaghanan sa mga nangamatay wala dayon mahatagan og saktong pagtambal. Dugang pa, importante usab ang hydration o paghatag og serum sa mga pasyente.|Bombo Irene Ardiente
