Gitataw sa Department of Justice (DOJ) nga ang kaso sa mga missing sabungero o mananaro makonsiderar gihapon nga kasong kidnapping.
Kini bisan pa sa gibutyag ni Alyas Totoy nga ang mga patayng lawas sa mga missing sabungero gipatay ug sa kataposan gilabay sa Taal Lake.
Gihimug-atan ni Justice Undersecretary Raul Vasquez nga hangtod nga di makit-an ang mga biktima o dili makit-an ang patayng lawas niini, padayon pa kining makonsiderar nga kasong kidnapping.
Bisan pa sa testimonya ni Alyas Totoy, nga wala pay ebidensiya nga makapamatuod nga patay na ang mga mananari, busa dili makonsiderar nga murder o homicide ang kaso.
Samtang, ang DOJ giingong hapit na usab makamugna og airtight case nunot sa sunodsunod nga imbestigasyon.
Usa ka opisyal sa DOJ nipasalig nga gikonsiderar sa ahensya ang tanang impormasyon nga nahibaw-an sukad nitumaw ang mga nauna dihang niulbo ang isyu, pipila ka tuig na ang milabay.
Dugang pagpasabot ni Vasquez nga pipila sa mga saksi nga mibutho kay nibakwi sa ilang mga pamahayag.
Hinuon, matud niya nga daghan sa mga testimonya ug ebidensya nga nahipos sa DOJ sukad niulbo ang isyu ug gipamatud-an usab sa mga ebidensiya nga bag-o lang nitumaw, butang nga nag-establisar sa case build-up nga gihimo sa ahensya.
