Nagtuo si kanhi unified welterweight world champion Keith Thurman nga ang away nila ni Manny Pacquiao ug Mario Barrios nagdepende sa panglawas ug kondisyon sa 46-anyos nga Filipino boxing legend.
Kahinumduman nga mobalik si Pacquiao sa boxing ring human sa upat ka tuig nga pagretiro batok kang Barrios alang sa WBC welterweight title karong Hulyo 19 sa MGM Grand Garden Arena sa Las Vegas.
Gipildi ni Pacquiao si Thurman niadtong 2019 pinaagi sa split decision, ug natumba pa kini sa unang hugna.
Hinuon, sukad niadto wala na makadaog si Pacquiao ug katapusan kining nakig-away niadtong 2021, diin gipildi siya ni Yordenis Ugas.
Si Thurman nakig-away usab kang Barrios kaniadtong 2022 ug midaog pinaagi sa unanimous decision.
Apan, dugang niini nga bisan og adunay kusog si Barrios, dali ra kining maigo ug aduna pa’y kahuyang sa depensa.
