-- ADVERTISEMENT --

Nipasalig sa publiko ang Department of Social Welfare and Development (DSWD) nga aduna kini 3-Billion nga pondo ug relief goods nga stock isip pagpangandam sa posibleng mga katalagman sa tibuok nasod karong tuiga.

Matod ni DSWD Assistant Secretary Irene Dumlao, andam silang motubag sa mga hangyo sa nagkadaiyang local government units (LGUs) nga maapektuhan sa mga posibleng katalagman.

Dugang pa niya, kapin sa tulo ka milyon nga family food packs ang nabutang na sa mga bodega sa departamento sa nagkalain-laing dapit sa nasud, ingon man sa mga bodega sa mga LGU ug pribadong organisasyon.

Sa laing bahin, giklaro sa departamento nga ang tanang hinabang nga gipang-apod-apod dili pilion kung adunay kalamidad—ang tanan nga naapektuhan kay sakop sa ilang hinabang.

Gihimug-atan ni Dumlao nga ang mandato sa ahensiya mao nga walay mabiyaan panahon sa katalagman, bisan unsa pa ang ilang kahimtang ug sila nagpadayon nga nakig-alayon sa mga lokal nga kagamhanan aron masiguro nga ang tanang apektadong katawhan mahatagan sa gikinahanglang suporta.|Bombo Irene Ardiente

-- ADVERTISEMENT --