Gikatakdang mo-eksport og 6 ka warships ang Japan dinhi sa Pilipinas.
Basi sa report gikan sa usa ka mantalaan sa Japan, ang Pilipinas ug Japan nagkasabot nga i-eksport ang unom ka gigamit nga Abukuma-class nga destroyer escort sa Japan Maritime Self Defense Force nga nagserbisyo sulod sa kapin sa 30 ka tuig ug gi-commission gikan sa 1989 ngadto sa 1993.
Ang maong artikulo sa impormasyon nagtaho nga ang Japanese Defense Minister nga si Gen Nakatani ug ang Philippine Defense Minister Gilberto Teodoro nikompirmar sa mahitungod sa pag-eksport sa mga gigamit nga escort nga mga barko atol sa usa ka meeting nga gipahigayon sa Singapore niadtong Hunyo 2025.
Gipahayag usab sa mantalaan nga base sa ilang mga tinubdan, ang militar sa Pilipinas gikatakda nga mag-inspeksyon sa Abukuma class destroyer escort karong ting-init sa Japan aron masusi ang mga main guns ug uban pang kagamitan ingon man ang kahimtang sa pagmentinar sa mga warships ug paghimo sa katapusang mga pagpangandam sa dili pa kini i-eksport.
Gipahayag usab sa mantalaan nga ang katuyoan sa pag-eksport sa mga destroyer escort ngadto sa PH mao ang pagpausbaw sa interoperability sa PH military ug hiniusang pagpalig-on sa deterrence ug response capabilities batok sa China, nga adunay maritime dispute sa PH.
Ang Abukuma-class destroyer escort kay gamay nga klase sa destroyer nga adunay 2,000-toneladang standard displacement, nga gipadagan sa usa ka tripulante nga mga 120, armado og anti-submarine ug anti-ship missiles, torpedo tubes ug mga pusil.|Bombo Irene Ardiente
