Giaprobahan ni US President Donald Trump ang pagpadala sa mga military weapon ngadto sa Ukraine, aron suportahan kini batok sa nagpadayon nga pagpamomba sa Russia.
Matod ni Trump, seryoso niyang gikonsiderar ang pagsuporta sa usa ka balaodnon sa Senado nga magpahamtang og mas bug-at nga mga silot sa Russia, ug mga nasud nga nagpadayon sa pagnegosyo niini.
Sa gipahigayong meetinng sa White House, si Trump niingon nga nawad-an na siya og pasensya sa Presidente sa Russia nga si Vladimir Putin, tungod sa padayon nga pagtaas sa gidaghanon sa mga kaswalti sa gubat.
Samtang, gipahibalo ni Ukrainian President Volodymyr Zelenskiy nga ilang gipalapdan ang koordinasyon sa Estados Unidos, aron mapadali ang pag-abot sa mga armas, ilabi na sa air defense.
Nunot niini, nagpadayon usab siya nga nanawagan alang sa mas estrikto nga mga silot batok sa Moscow, aron mapugos kini sa paghunong sa opensiba niini.|Bombo Irene Ardiente
