Gipahibalo ni US President Donald Trump ang bag-ong taripa sa unom ka mga nasud.
Gipadalhan niini og mga sulat ang Algeria, Brunei, Iraq, Libya, Moldova, ingon man ang Pilipinas.
Nakalatid sa suwat ang 30 porsyento nga taripa ang gipahamtang sa mga produkto gikan sa Algeria ug Iraq.
Samtang 25 porsyento ang gipahamtang sa Brunei, Libya ug Moldova ug ang Pilipinas adunay 20 porsyento.
Diin ang maong bag-ong taripa mo-epekto sa umaabot nga Agosto 1.
Ang nasangpit nga sulat nunot sa pagtapos sa 90 ka adlaw nga negotiation period diin magsugod ang levy nga hangtod sa 10 porsyento.
Gihatagan ni Trump ang mga lider sa nahisgutang mga nasud ug higayon nga makigsabot sa wala pa ang deadline sa Agosto 1.
Bisan pa, gipamugos ni Trump nga wala nay dugang nga extension alang sa mga nasud nga nakadawat sa sulat.
Kahinumduman nga niadtong Lunes, gipahamtang usab ni Trump ang 25 porsiyento nga taripa sa mga produkto gikan sa Japan ug South Korea.
