Gitaho sa United Nations Human Rights Office nga dul-an 800 ka mga tawo ang napatay sa mga lugar sa pag-apod-apod sa tabang ug sa palibot sa mga humanitarian convoy sa Gaza, kaniadtong Hulyo 7.
Sumala sa tigpamaba sa UN Human Rights Office nga si Ravina Shamdasani, 615 ka mga tawo ang napatay duol sa Gaza Humanitarian Foundation (GHF) site ug 183 sa mga ruta nga gigamit sa mga aid convoy.
Ang GHF usa ka organisasyon nga gipaluyohan sa US ug Israeli nga naggamit sa pribadong mga kompanya sa seguridad ug logistik sa Amerika aron makakuha og tabang ngadto sa Gaza, nga kasagarang molapas sa sistema sa tabang nga gipangulohan sa UN.
Gisaway kini sa UN nga ‘kinaiyanhon nga dili luwas’ ug naglapas sa prinsipyo sa humanitarian impartiality.
Nasayran nga ang organisayon kay nag-apod-apod sa pagkaon sa Gaza sukad sa ulahing bahin sa Mayo, ug gipanghimakak ang bisan unsang mga insidente sa mga dapit niini.
