“I don’t owe the world my heartbreak”
Mao kini ang gisulti ni Kyline Alcantara human nipahibawo sa mga kontrobersiya nga iyang nasugatan kalabot sa iyang relasyon ni Filipino professional basketball player Kobe Paras.
Sumala pa sa aktres, mas maayo na karon ang iyang kasingkasing ug itugyan na lang niya sa Diyos ang tanan nga gikasinatian.
Sa usa ka interbyu, si Kyline niingon, ““My heart is good. It’s better now, definitely with the help of everyone around me.”
Kahinumduman nga nahimong hisgutanan si Kyline human sa panagbuwag nila ni Mavy Legaspi niadtong 2023 ug ni Kobe Paras karong tuiga.
Sa dihang gipangutana nganong wala siya mosukol taliwala sa mga kontrobersiya, siya nitubag nga bisan paman sa kasakit nga nadawat niini, ipakita gihapon niini ang sinsiro nga intension ug pagtagad.
Dugang pa sa aktres, nagpabilin siya nga hilom taliwala sa mga gimugna nga storya sa mga katawhan, wala kini niya hatagi og pagtagad kay dili niya isipon nga utangan siya sa publiko ugaling dili siya maka-isplikar bisan Kapila pa siya ma-konsiderar nga public figure.
Gitataw usab ni Kyline nga dili siya motuo sa pagpanimalos ug dili kinahanglan nga pamatud-an ang iyang kaugalingon sa publiko.
Bisan og nasakitan siya sa mga mahukmanong komento, ang aktres niingon nga itugyan na lang niya sa Diyos ang tanan ug magpadayon.|Bombo Irene Ardiente
