Human sa hapit upat ka dekada sa kalibutan sa boxing isip usa ka fighter, trainer, matchmaker, ug promoter, nagtuo si Sean Gibbons nga nakita na niya ang tanan. Apan, nausab kini sa dihang nakatrabaho na niya ang National Boxing Champion nga si Manny Pacquiao.
Matud ni Gibbons nga wala pa siya makakita og sama sa kakugi ug determinasyon ni Pacquiao samtang nagtan-aw kaniya nga nag-training alang sa iyang away batok kang Mario Barrios sa WBC welterweight title.
Sa edad nga 46, grabe gihapon ang pagkondisyon ni Pacquiao — nga matod niya mas grabe pa sa mga batan-ong boksidor sama ni Eumir Marcial, nga naglisod sa pag-apas sa training sa boxing legend.
Dugang niini nga si Pacquiao daw nakabalik na sa 2019 prime form sa kalidad sa iyang preparasyon.
Hinungdan nga napuno kini sa pagdayeg, ug niingon nga kon mapildi ni Pacquiao si Barrios, angay siyang isulod sa International Boxing Hall of Fame.
