Nagpadayon ug nagpabilin gihapon ang diskriminasyon nga giatubang sa mga Solo Parents sa Pilipinas, sumala sa pinakaulahing report sa Commission on Human Rights (CHR).
Bisan pa nga gipalapdan ang balaod aron madugangan ang mga benepisyo sama sa parental leave ug binuwang cash subsidy alang sa mga kabus, daghan gihapon ang wala makahibalo sa ilang mga katungod o naglisud sa pag-access niini.
Lakip na niini ang 57 ka solo parents ug 26 ka opisyal gikan sa nagkalain-laing ahensya sa gobyerno gikan kaniadtong Abril hangtod Mayo 2023.
Usa sa nag-unang babag mao ang mahal ug komplikado nga proseso sa pagkuha og Solo Parent ID, diin moabot og P700 ang kantidad sa gikinahanglang aron makalukat sa dokumento, wala pay labot ang mga gasto sa pagbiyahe, ilabi na niadtong nagpuyo sa hilit nga mga dapit.
Sumala sa datos gikan sa Department of Social Welfare and Development niadtong 2021, adunay kapin sa 538,000 ka mga panimalay sa nasud nga adunay usa o daghan pang solo nga mga ginikanan, ug halos 65% niini gipanguluhan sa mga babaye.
Kini nagpasabot usab nga daghan kanila ang nag-antus sa diskirminasyon sa komunidad, diskriminasyon sa trabaho, ug kakuwang sa mga oportunidad.
Dugang pa, gihisgotan usab sa taho ang epekto sa kakabos sa ilang mga anak, sama sa mga problema sa akademiko, pamatasan, ug pagkabiktima sa bullying.
Tungod niini, nanawagan ang CHR sa paghimo sa proseso sa aplikasyon sa Solo Parent ID nga mas simple ug mas barato, pagpalig-on sa pagmonitor sa pagpatuman sa balaod sa mga trabahoan, ug pagpahigayon og kaylap nga kampanya sa pagpahibalo sa katungod sa solo nga mga ginikanan.
