PROVINCE OF CEBU- Magtapok diri sa Sugbo ang mga Tourism executives gikan sa mga kanasuran sa Sidlakang Asya para sa ika-23 nga East Asia Inter-Regional Tourism Federation (EATOF) Standing Committee Meeting sugod karong adlawa sa Lunes, Hulyo 21 hangtod Miyerkules, Hulyo 23.
Ang panagtapok kay usa ka prelude sa biennial EATOF General Assembly diin ang lalawigan sa Sugbo ang mu-host sa tuig 2026.
Matod pa ni Rowen Lu Montecillo, ang Cebu provincial tourism officer nga ang mga representantes sa EATOF member provinces kay muari sa Sugbo aron sa pagkat-on ug maghisgot sa hisgutanang may kalabot sa turismo sa East Asia region partikular ang touris resiliency, best practices ug tourism workforce development.
Kini nga mga hisgutanan kay maoy hagit karon sa natad sa turismo tungod ra sab sa nagkabag-ong panahon sama sa climate change ug presensiya sa digital landscapes.
Isip pagpadayag sa community-managed ecotourism success story sa Sugbo, ang mga delegado kay mubisita sa lungsod sa Aloguinsan para sa technical tour sa inilang Bojo River Cruise.
Ang EATOF kay namugna niadtong tuig 2009 sa siyam ka ga local government units sa East Asia isip mahimong modelo sa international cooperation ug mutual development sa mga sakop niini.
Sa pagkakaron, anaa na kiniy 10 ka mga miyembro nga mao ang Gangwon-do, South Korea; Jilin, China; Luan Prabang, Laos; Quang Ninh, Vietnam; Sarawak, Malaysia; Siam Reap, Cambodia; Tottori, Japan; Tuv, Mongolia; Yogyakarta, Indonesia; ug ang Sugbo sa PIlipinas.
Pangulohan nila ni Governor Pamela “Pam” Baricuatro ug Vice-Governor Glenn Anthony Soco ang pag-abi-abi sa mga delegado atol sa ilang welcome dinner karong adlawa.
Pagasundan kini sa seminar-workshop ugmang adlawa sa Martes, Hulyo 22 dayon laing dinner party sa Miyerkules sa gabii didto sa Kapitolyo human sa pagduaw nila sa Aloguinsan.
