Gipasalig sa Department of Agriculture (DA) nga padayon nga protektahan sa ahensya ang mga lokal nga produkto sa agrikultura sama sa bugas, mais, asukal, manok, isda, ug baboy sa nagpadayong negosasyon sa taripa tali sa Pilipinas ug Estados Unidos.
Matod ni DA Secretary Francisco Tiu Laurel Jr., sila si Secretary Frederick Go ug Trade Secretary Cristina Roque miinsistir nga ang kaayohan sa lokal nga mga mag-uuma ug mangingisda mao ang nag-unang prayoridad sa Pilipinas.
Kini human sa pamahayag ni US President Donald Trump nga ang Pilipinas miuyon sa 19% nga taripa sa ilang exports bugti sa duty-free access sa mga produkto sa Amerika.
Ingon man nga giklaro sa Malacañang nga wala pay kataposang kasabotan bahin niini.
Ang DA midugang nga gisiguro ni Secretary Go nga walay concessions nga makadaot sa lokal nga industriya ug ang bisan unsang kasabotan kinahanglang balanse tali sa pagpalapad sa merkado ug pagpanalipod sa panginabuhi sa mga Pilipino.
