Gipadayag ni kanhi Senadora Cynthia Villar nga gusto na sa iyang bana nga si Manny Villar nga ibaligya o buhian ang PrimeWater tungod sa mga reklamong natigom ug sa politikal nga isyu nga nalambigit niini.
Ang PrimeWater nag-atubang og daghang reklamo sa kapin 100 ka lugar nga may joint venture (JVA) sa mga local water districts tungod sa batig serbisyo sa tubig.
Gidepensahan ni Cynthia ang ilang negosyo, nga dili lang ang ilang kompanya ang angay pasanginlan sa problema sa tubig.
Gipasabot niya nga ang ubang lugar, sama sa San Jose del Monte sa Bulacan, adunay natural nga problema sa supply tungod sa taas nga elevation.
Ang PrimeWater usa ka subsidiary sa Prime Asset Ventures Inc., nga gimantala sa ilang anak nga si Manuel Paolo Villar.
Niuyon si Sen. Camille Villar nga abli siya sa imbestigasyon sa Senado kung kini gustohon sa kadaghanan.
Sa laing bahin, nahuman na sa LWUA ang ilang imbestigasyon ug gisumite na kini kang Presidente Marcos, nga misugot sa ilang rekomendasyon.
Sa pagkakaron, wala pa kini gipagawas sa Malacañang.
