Kanhi-beauty queen Lara Quigaman, usa na ka magtutudlo sa Canada

Malipayong gipaambit sa kanhi beauty queen nga si Lara Quigaman nga usa na siya ka preschool teacher sa Canada.

Matud niini nga siya adunay upat ka mga klase sa preschool ug human kay lahos kini sa out-of-school care sa lain-laing age group.

Niadtong 2011, naminyo si Quigaman sa iyang bana nga si Marco Alcaraz sa Canada diin nagkasabot sila nga magtukod og pamilya.

Gani, kaniadtong Abril 2024, nagdesisyon sila nga mobalhin na sa nasud.

Karong Hunyo, gipaambit sa beauty queen nga nigradwar kini sa Diploma in Early Childhood Education sa Canada.

Giangkon ni Miss International 2005 nga lisud ang iyang desisyon nga mobiya sa iyang karera ug kinabuhi sa Pilipinas apan giisip niya kini nga usa ka damgo nga natuman.