Nihangyo karon sa sa International Criminal Court (ICC) Appeals Chamber ang defense team ni kanhi Presidente Rodrigo Duterte nga i-disqualify si Prosecutor Karim Khan sa maong kaso.
Basi sa ilang petisyon, adunay conflict of interest si Khan sa kaso ug kinahanglang tangtangon kini sa dili madugay.
Si Nicholas Kaufman, ang abogado sa kanhi presidente, niingon nga si Khan, kinsa nibarog isip private lawyer for hire niadtong 2018, nagrepresentar sa mga biktima sa giingong extrajudicial killings sa Pilipinas.
Tungod niini, mahimong kuwestiyonable ang ebidensya nga ipresentar ni Khan sa sing-abot nga imbestigasyon.
Una nang gipahibalo sa Appeals Chamber nga wala silay nakitang impartiality sa bahin sa Prosecutor.
Kahinumduman nga nibakasyon si Khan niadtong Mayo tungod kay nag-atubang kini og imbestigasyon sa United Nations Office of Internal Oversight Services tungod sa mga alegasyon sa sexual misconduct.
