Gilapas sa China ang 2012 nga kasabutan niini sa Pilipinas pinaagi sa pagpadala og barkong iggugubat sa Scarborough Shoal niadtong Lunes, Agosto 11.
Kini ang gipahibalo ni Armed Forces of the Philippines (AFP) chief General Romeo Brawner Jr.
Gipasabot sa hepe sa AFP nga adunay kasabutan ang Pilipinas ug China nga tangtangon ang mga barko sa Navy sa maong lugar.
Matod niya nga gituman kini sa Pilipinas apan karon gibalik na sa China ang People’s Liberation Army – Navy (PLA-N) nga barkong iggugubat.
Kahinumduman nga niadtong 2012, gipatuman ang kasabutan tali sa Pilipinas ug China human sa pipila ka buwan nga standoff sa mga barko tali sa duha ka nasud sa shoal diin mitapos ang duha ka habig nga misaad nga i-withdraw ang tagsa-tagsa nila ka mga barko.
Gidugang pa niini nga ang Armed Forces of the Philippines nagmintinar og taas nga moral sa yuta base sa mando ni Presidente Ferdinand Marcos Jr. apan karon nga ang barko sa China Navy anaa sa lugar, gihumig-atan niini nga lahi na kini nga hisgutanan.
Gilantaw ni Gen. Brawner ang insidente niadtong Lunes isip timaan sa kausaban sa taktika sa China ug ang pagpadala sa barkong iggugubat isip simbolo sa agresyon.
