Nipahimangno ang Department of Agriculture (DA) nga dili angayang himoong basehanan ang umaabot nga 60 ka adlaw nga rice import ban sa pagsaka sa presyo sa bugas.
Kini human naobserbahan sa DA ang pagsaka sa presyo sa imported nga bugas gikan sa P43 ngadto sa P45 matag kilo.
Matod ni DA Spokesperson Assistant Secretary Arnel de Mesa, epektibo sa Setyembre ang import ban, busa walay retailer nga kinahanglang mopasaka sa presyo.
Gipasalig usab niya nga adunay igong suplay sa bugas sa nasud, ug mas daghang imported nga bugas ang moabot karong Agosto.
Nagtuo ang opisyal nga espekulasyon ug dili ang kakuwang sa suplay ang posibleng hinungdan sa pagsaka sa presyo sa bugas.
Ingon man nga padayon ang ahensya sa panghatag og tabang sa mga lokal nga mag-uuma sa nasud aron ilang mabuntog ang kawad-on.
