Nag-ensayo ug nagbansay pag-ayo ang Gilas Pilipinas isip preparasyon sa ilang sangka batok sa Australia Boomer sa quarterfinals sa 2025 FIBA Asia Cup nga ipahigayon sa Jeddah, Saudi Arabia.
Nagkanayon si Gilas coach Tim Cone nga wala sila mag-usik og panahon sa pagpraktis human nila gipildi ang home team nga Saudi Arabia.
Kini ang unang higayon nga ilang ikasangka pag-usab ang Australia sukad nahitabo ang panagbangi tali sa mga players niadtong 2018 didto sa Philippine Arena atol sa 2019 FIBA Basketball World Cup Asian qualifiers match.
Dakong hagit ang Australia alang sa Gilas, diin anaa sa ika-7 nga pwesto sa tibuok kalibotan ug bisan walay mga NBA players, wa gihapon silay pildi sa Group A.
May kahigayonan usab ang Gilas Pilipinas nga makigharong pag-usab sa ilang kapildihan sa Chinese Taipei kung modaog sila batok sa Australia.
Samtang ang Chinese Taipei kinahanglang modaog usab batok sa Iran.
Ang duwa tali sa Gilas ug Australia ipahigayon sa alas-7 sa gabii karong adlawa, Agosto 13.
