Gibutyag ni Department of Social Welfare and Development Regional Director Shalaine Marie Lucero, nga ang tanan nga mga Youth Care facilities, kinahanglang ipaubos sa accreditation, bisan paman nga ang Local Government Unit o Non-Governmental Organization ang nag establisar niini.
Kini aron nga masiguro nga natumong ang standard operation niini sa tanang mga pasilidad ngadto sa tinguha nga gilatid sa DSWD, diin kinahanglang adunay registration, licensing ug accreditation hilabi na sa mga Non-governmental Organizations.
Matud ni Lucero, sa kinatibuk-ang Central Visayas aduna lamang 1-ka Bahay PAG-ASA ang natukod apan wala usab kini nag-operate, apan dugang niini nga adunay 11-ka mga local government units ang adunay “Youth Care Facility” 6- sa Cebu, 1- sa Bohol ug laing 3-ka facility sa Negros.
Tumong sa maong mga pasilidad nga mahatagan ug primiro nga mga panginahanglanon, sama sa pagkaon, medikal, shelter ug hilabi na sa pagpatungha sa mga bata nga nalambigit sa “children In conflict with the laws”
Giklaro usab ni Lucero nga dili kinahanglan nga ang matag LGU adunay Bahay PAG-ASA” gumikan kay gasto kini kaayu, apan kinahanglang mag-basi sa mga kaso ang pagpatukod niini sa matag LGU.
Nanghinaot usab kini nga makabatun ug Bahay PAG-ASA” ang Central Visayas aron nga mas matutukan ang pag-atiman sa mga “children in conflict with the laws ug ang tukmang pagrehabilitate niini.
Gipahibalo usab ni Lucero, nga padayun gihapon ang pag-advocate sa Juvenile Justice and Welfare Council sa mga LGUs aron nga makapatukod sila ug mga pasilidad alang sa mga children in conflict with the laws. | Bombo Nathaniel Sandoval
